Dat kiirzte Bestietnis wat et an der Geschicht gouf. Ee ganz renomméierten Publizitéitsmanager an onverbesserleche Verféierer huet sech um Enn dran erginn, no véierzeng Joer d'Zesummeliewen matt senger Partnerin ze offizialiséieren. Mee d'Hochzäitsfeier huet et a sech. Ee vun de Räiskäeren, matt deenen seng daboosseg Schwëster op der Kiirchentrap gehäit huet, land am Bräitgemann sengem A. An dat ass den Ufank vun enger ganzer Stréimung vu Katastrofen fir déi deem dach esou ongléckleche Bräitgemann seng Maîtresse, däer hire Mann respektiv Brudder, ee politesche Spëtzekandidat matten an der Walcampagne an een iwwerfuerderte Lokalreporter dropp an derwidder suergen, woubäi d'Schwëster an alle Situatiounen ee Wuert matt ze schwätzen huet. "Tout bascule" (Originaltitel) war 2003 a Frankräich eng 200 mol ze gesinn an hat iwwerall een immensen Erfolleg. Am Théâtre de la Michodière zu Paräis huet den Olivier Lejeune a sengem éischte Stéck selwer d'Mise en scène gemaach an och mattgespillt. An der franséischer Press heescht et esouguer, Feydeau a Cooney-Chapman hätte mam Lejeune ee ganz wiirdege Nofolger fond.

Et spillen ënnert der Regie vum Nico Lessyn:

Metz Claude, Luyckfassel Liliane, Wagener Jeannot, Martiny Firmin,
Moro Giordano, Schaaf Sandra a Bour Monique.


Mimographie: Marcotte Vincent
Bühn: Fedotova Irina, Guillaume Luc
Kostümer: Fedotova Irina
Technik: Lessyn Thierry, Bertemes Claude, Noël Roby
Musék: Glesener Jeff
Spezialeffekter: Bissen Patrick